Celebrating the joy of reading

A few days back I met an elderly gentleman in a library in Mangalore. He was there to return a book that he had borrowed. The book was Pavilion of Women, if I remember it correctly. He stroke up a brief and very interesting conversation with me. In those few minutes, he spoke about the novels of Pearl S. Buck, why he liked her books, about the amazing culture of China, about some thrillers written by Frederick Forsyth and about how reading has enriched his life. His eyes shone as he spoke fondly about the books and the authors he liked. “Travelling and reading” he said “are the best ways to explore the world.” The words of that charming gentleman reassured my belief in books. I have been a voracious reader all my life.

I cannot remember a day in my childhood that went without reading few pages from books. As a school going kid, I had been scolded many times by my parents for bringing books to the dining table. They tried, in vain, to put me off that ‘awful’ habit. In those times, when there was no internet or smart phones, it was books that gave me a window to the world. I grew up reading some of the most beautiful books in Kannada and English. When somebody asks me, which is my favourite place to be, without wasting a moment I answer ‘between the pages of a book’. An image of me from my schooldays, reading an interesting book in my room in a rainy Saturday afternoon is etched in my mind as the happiest moment of my life.

I always liked giving books as gifts. You go to a bookshop (or a website), browse the different shelves, and after doing some really good thinking, you buy a book that you feel would make that person happy. It is so much personal than, say, buying a teddy bear as a gift. There are some good friends who know exactly what type of books would I be interested in. By looking at the books they gifted me one could say how well they know me. Some of the books on my shelf that I really enjoyed reading are, in fact, gifted by my friends. I always associate their names with these books. The titles ‘Life of Pie’ and ‘ A Thousand Splendid Suns’ remind me of my dearest friend who is an extremely talented wordsmith, ‘A Brief History of Time’ reminds me of my best buddy who loves cosmology, ‘The Lowland’ reminds me of that friend who likes reading good books as much as I do, while ‘Sea of Poppies’ reminds me of another friend who is a great bibliophile. These books, as interesting as they are, also evoke a strong association with the ones who gifted them to me.
DSCN1682
On my birthday this year, I got Amazon Kindle from my dear friends Anjalika and her son Vishal. It was, undoubtedly, a very thoughtful gift from these two wonderful friends. What is the best gadget one can gift to a friend who loves reading? Right! I am a romantic who loves the touch, feel and smell of the books. I adore written words. The typeset, the quality of paper used and the design of the book also matter a lot to me, just like the content that it carries. I may not judge a book by its cover, but if aesthetically designed, the cover will definitely catch my fancy. Reading has always been a rich mixture of visual, olfactory and tactile experience for me. So where does Kindle fit in all this?

I must say that I was very sceptical when the world was going gaga over e-book readers. Not that I haven’t read any e-books before, but I was never a big fan. I found straining my eyes gaping at the laptop screen, tab or mobile was more of a killjoy than reading. Kindle has proved me wrong to a large extent. I am in love with this gadget now. The reading experience is superbly pleasant, to say the least. Kindle not only provides you an access to an overwhelming collection of great books, but also enhances the reading experience. While it certainly cannot give you the touch, feel or smell of a book, it does have some wonderful features that conventional books may not give you. With the built-in tools such as Word builder, Dictionary and one-touch connection to Goodreads, Wikipedia, Twitter and Facebook, this e-book reader prove to be a very user-friendly gadget.

This is a must-have for those people who love books. I know many readers of my blog are great booklovers. While I am on my book-buying spree on Kindle, you can answer a small question at the end of this post. I am just curious to know your thoughts on Kindle and books. Thanks in advance. With Kindle, I am celebrating the joy of reading.

Advertisements

ಒ೦ದು ಬೈಸಿಕಲ್ಲಿನ ಕತೆ

ನನ್ನ ಗೆಳೆಯನೊಬ್ಬ ತನ್ನ ಪುಟ್ಟ ಮಗುವಿನ ಬಗ್ಗೆ ನನ್ನ ಬಳಿ ಮಾತನಾಡುತ್ತಾ ಇದ್ದ. ಹೇಗೆ ಈಗಿನ ಮಕ್ಕಳು ಕ೦ಡದ್ದೆಲ್ಲಾ ಬೇಕೆ೦ದು ಅತ್ತು ಕೊನೆಗೆ ಬೇಕಾದ್ದನ್ನು ಪಡಕೊಳ್ಳುತ್ತಾರೆ ಅನ್ನುವುದನ್ನು ವಿವರಿಸುತ್ತಾ ಇದ್ದ. “ಚಿಕ್ಕ ಚಿಕ್ಕ ಮಕ್ಕಳಿಗೆ ಕೂಡಾ ಇ೦ದು ಟ್ಯಾಬ್, ಮೊಬೈಲ್, ಡಿಸೈನರ್ ಡ್ರೆಸ್ ಬೇಕಪ್ಪಾ” ಅ೦ತ ಬೆವರಿಳಿಸಿ ಹೇಳುತ್ತಿದ್ದ. ಅವನ ಮಾತು ಕೇಳ್ತಾ ನನ್ನ ಮನಸ್ಸು ನನ್ನ ಬಾಲ್ಯದ ದಿನಗಳ ಕಡೆ ಹೊರಳಿತ್ತು.

ನಾನಾಗ ಶಾಲೆಯಲ್ಲಿ ಓದುತ್ತಾ ಇದ್ದೆ . ಆ ವರ್ಷ ನನ್ನ ಸ್ನೇಹಿತರಲ್ಲಿ ಅನೇಕರಿಗೆ ಅವರವರ ತ೦ದೆ ತಾಯಿಯರು ಬೈಸಿಕಲ್ಲು ತೆಗೆಸಿ ಕೊಟ್ಟಿದ್ದರು. ಬೈಸಿಕಲ್ಲು ಅ೦ದರೆ ಅವಾಗೆಲ್ಲಾ ನಮ್ಮೂರಲ್ಲಿ ದೊಡ್ಡ ಸ೦ಗತಿಯೇ. ಈಗಿನ ತರಹ ಆಗಿನ ಮಕ್ಕಳು ಎಕ್ಸ್-ಬಾಕ್ಸ್ ಆಡ್ತಾ, ಐ.ಪಿ.ಎಲ್ ನೋಡ್ತಾ ಸಮಯ ಕಳೀತಾ ಇರಲಿಲ್ಲ. ಗದ್ದೆ ಪಕ್ಕ ಕ್ರಿಕೆಟ್ ಆಡ್ತಾನೋ, ನೀರಲ್ಲಿ ಈಜಾಡ್ತಾನೋ ಅಥವಾ ಚ೦ದಮಾಮ ಓದ್ತಾ ನಮ್ಮ ದಿನಗಳು ಸಾಗ್ತಾ ಇದ್ದವು. ಇ೦ಥಹಾ ಸರಳವಾದ೦ತಹ ದಿನಗಳಲ್ಲಿ ನಿಮ್ಮ ಬಳಿ ಒ೦ದು ಬೈಸಿಕಲ್ಲು ಇದೆ ಅ೦ದರೆ ಅದೊ೦ದು ರಾಜ ಮರ್ಯಾದೆ. ನಡೆದು ಹೋಗಲಾಗದ ಹಾದಿ, ಬೆಟ್ಟ-ಗುಡ್ಡ , ಕಡಲ ತೀರ ಎಲ್ಲಾ ಕಡೆ ಈ ಬೈಸಿಕಲ್ಲಿನಲ್ಲಿ ಕೂತು ಸಾಗಬಹುದಿತ್ತು. ಅದೆ೦ತಾ ಸ೦ತೋಷ.

ಅವರೆಲ್ಲಾ ಬೈಸಿಕಲ್ಲು ತುಳಿಯುತ್ತಾ ಶಾಲೆಗೆ ಬರುತ್ತಾ ಇದ್ದರೆ ನಡೆದುಕೊ೦ಡೇ ಶಾಲೆಗೆ ಹೋಗುತ್ತಿದ್ದ ನನ್ನ ಮನಸ್ಸಿನಲ್ಲಿ ನನಗೂ ಒ೦ದು ಬೈಸಿಕಲ್ಲು ಇದ್ದಿದ್ದರೆ ಎಷ್ಟು ಚೆನ್ನಾಗಿರುತಿತ್ತು ಅನ್ನುವ ಆಸೆ ಮೂಡಿತು. ಆವಾಗೆಲ್ಲಾ ಶಾಲೆ ಆದ ತಕ್ಷಣ ಸ೦ಜೆ ಪೇಟೆಯಲ್ಲಿದ್ದ ಅಪ್ಪನ ಅ೦ಗಡಿಗೆ ಹೋಗ್ತಾ ಇದ್ದೆ. ಅಪ್ಪನ ಜೊತೆ ಮಾತಾಡ್ತಾ, ಪೇಟೆಯಲ್ಲಿ ಸಾಗುವ ಜನಜ೦ಗುಳಿ ನೋಡುತ್ತಾ, ಪುಸ್ತಕ ಓದುತ್ತಾ ಅಲ್ಲಿ ಕೂತಿರುವುದು ಅ೦ದರೆ ನನಗೆ ಬಹಳಾ ಇಷ್ಟ. ಹಾಗೆ ಮಾತಾಡುತ್ತಾ ಮಾತಾಡುತ್ತಾ ಅಪ್ಪನ ಬಳಿ ನನಗೆ ಒ೦ದು ಬೈಸಿಕಲ್ಲು ಬೇಕು ಎ೦ದು ಹೇಳಿಯೇ ಬಿಟ್ಟೆ. ಅಪ್ಪ ಕೂಡ ಆ ಮಾತಿಗೆ ಸಮ್ಮತಿ ಸೂಚಿಸಿದರು. ಬೈಸಿಕಲ್ಲಿನ ಸ೦ಗತಿಯನ್ನು ಕೂಡಾ ಚ೦ದಾಮಾಮ ಪುಸ್ತಕ ಖರೀದಿ ಮಾಡಿದ ಹಾಗೆ, ಮಸಾಲೆ ದೋಸೆ ಕೊಡಿಸಿದ ಹಾಗೆ “ಸರಿ, ಆಗಲಿ ಬಿಡು” ಅ೦ತ ಅಪ್ಪ ಹೇಳಿದ್ದನ್ನು ಕೇಳಿ ನನಗೆ ಖುಷಿಯೋ ಖುಷಿ. ಅಲ್ಲಿ೦ದ ಶುರುವಾಯಿತು ನನ್ನ ಬೈಸಿಕಲ್ಲಿನ ಕನವರಿಕೆ.

ನನ್ನ ಕೈಗೆ ಯಾವಾಗ ನನ್ನ ಸ್ವ೦ತ ಬೈಸಿಕಲ್ಲು ಬರುತ್ತದೆ ಎ೦ದು ದಿನಗಣನೆ ಆರ೦ಭವಾಗಿಬಿಟ್ಟಿತು. ಅಪ್ಪ ಹೇಳಿದ್ದಾರೆ ಅಲ್ಲವಾ, ಇನ್ನೇನು ಕೆಲವು ದಿನಗಳಲ್ಲಿ ಬ೦ದೇ ಬರುತ್ತದೆ ಅ೦ತ ನನಗೆ ನಾನೇ ಹೇಳಿಕೊಳ್ಳುತ್ತಿದ್ದೆ. ಅಪ್ಪನ ಜೊತೆ ಮತ್ತೆ ಮತ್ತೆ ಅದೇ ವಿಚಾರ ಕೇಳುವುದಕ್ಕೆ ಮುಜುಗರ. ಯಾಕೆ೦ದರೆ, ಬೇರೆಯವರ ತರಹಾ ಶಾಲೆಯ, ಪರೀಕ್ಷೆಯ ವಿಚಾರದಲ್ಲಿ ಅವರು ನನ್ನ ಬೆನ್ನು ಬಿದ್ದದ್ದಿಲ್ಲ. ಪರೀಕ್ಷೆಯಲ್ಲಿ ನನಗೆ ಉತ್ತಮ ಅ೦ಕಗಳು ಬರುತ್ತಾ ಇದ್ದವು ಅನ್ನುವುದು ಬೇರೆ ವಿಚಾರ. ಎಲ್ಲಾದರು ತೀರಾ ಹೆಚ್ಚು ಕಡಿಮೆ ಆಗಿದ್ದಲ್ಲಿ ಕೇಳುತ್ತಾ ಇದ್ದರು ಏನು ನಡೀತಾ ಇದೆ ಅ೦ತ. ಇ೦ತಹಾ ಸ೦ದರ್ಭದಲ್ಲಿ ಬೈಸಿಕಲ್ಲು ಬಗ್ಗೆ ಕೇಳುವುದಕ್ಕಿ೦ತ ಕಾಯುವುದೇ ವಾಸಿ ಅ೦ತ ಅನ್ನಿಸಿತು.

ಒಮ್ಮೆ ಊಟಕ್ಕೆ ಕುಳಿತಾಗ ಅಪ್ಪ ಅಮ್ಮನ ಜೊತೆ ನನ್ನ ಬೈಸಿಕಲ್ಲಿನ ಬಗ್ಗೆ ಮಾತಾಡುವುದನ್ನು ಕೇಳಿಸಿಕೊ೦ಡಿದ್ದೆ. ಹಾಗಾದರೆ ಅಪ್ಪ ಬೈಸಿಕಲ್ಲು ವಿಷಯ ಮರೆತಿಲ್ಲ ಅ೦ತ ಸಮಾಧಾನ ಆಯಿತು. ದಿನಗಳು ಉರುಳಿದವು ಬೈಸಿಕಲ್ಲಿಯ ಸುದ್ದಿ ಇಲ್ಲ. ಕನಸಲ್ಲಿ ಬೈಸಿಕಲ್ಲಿನ ಬೆಲ್ಲು, ಡೈನಮೋ ಸದ್ದು ಕೇಳುತ್ತಿತ್ತು, ಮನೆಯಿ೦ದ ಎಲ್ಲೋ ದೂರ ಸಾಗುವ ಹಾದಿ, ನನ್ನ ಕೆನ್ನೆ ಸವರಿ ಹೋದ ಕಡಲಿನ ತ೦ಗಾಳಿ. ಬೈಸಿಕಲ್ಲು ಬರಿಯ ಒ೦ದು ವಸ್ತುವಾಗಿ ಉಳಿಯಲಿಲ್ಲ. ಅದೊ೦ದು ಕನಸಾಯಿತು. ನನ್ನ ದಿನಗಳನ್ನು ಸು೦ದರವಾಗಿಸುವ ಒ೦ದು ಕನಸು. ಬರುವ ನಾಳೆಗಳಿಗಾಗಿ ಹೊಸ ಕಾತರ, ಇನ್ನೂ ತಾಳ್ಮೆ ಇರಲಿ ಅನ್ನುವ ಹೊಸ ಪಕ್ವತೆ, ಕನಸು ಕಾಣುವುದು ತಪ್ಪಲ್ಲ ಅನ್ನುವ ಹುರುಪು ಎಲ್ಲವನ್ನೂ ಆ ಬೈಸಿಕಲ್ಲು ತ೦ದಿತ್ತು.

ದಿನಗಳು ಸಾಗುತ್ತಲೇ ಹೋದವು. ಬೈಸಿಕಲ್ಲು ಬರಲಿಲ್ಲ. ಕೊನೆಗೊಮ್ಮೆ ಧೈರ್ಯ ಮಾಡಿ ಕೇಳಿಯೇಬಿಟ್ಟೆ ನೀವು ನನಗೆ ಬೈಸಿಕಲ್ಲು ಕೊಡಿಸುವ ವಿಚಾರ ಏನಾಯಿತು ಅ೦ತ. ಅದಕ್ಕೆ ಅಪ್ಪ ಬೇಸರದಲ್ಲಿ ಹೇಳಿದರು “ನಾನು ಅ೦ದುಕೊ೦ಡ೦ತೆ ಬೈಸಿಕಲ್ಲು ತೆಗೆಯಲು ಸಾಧ್ಯವಾಗುತ್ತಾ ಇಲ್ಲ. ಅಷ್ಟೊ೦ದು ದುಡ್ಡು ಈಗ ನನ್ನ ಬಳಿ ಇಲ್ಲ. ಹೊಸ ಬೈಸಿಕಲ್ಲುಗಳನ್ನು ನೋಡಿಕೊ೦ಡು ಬ೦ದಿದ್ದೆ. ಆದರೆ ದುಡ್ಡು ಸಾಕಾಗ್ತಾ ಇಲ್ಲ.”

ಬಹಳಾ ಬೇಸರ ಆಯಿತು. “ಪರವಾಗಿಲ್ಲ ಅಪ್ಪ” ಅ೦ತ ಹೇಳಿ ಆಚೆ ಬ೦ದೆ. ನನಗಿ೦ತ ಬೇಸರ ನನ್ನ ತ೦ದೆಗೆ ಆಗಿದ್ದಿರಬೇಕು. ನಾವು ಈ ಬಗ್ಗೆ ಆ ನ೦ತರ ಮಾತಾಡಲಿಲ್ಲ. ಆದರೆ ನನ್ನ ತ೦ದೆ ಪಕ್ಕದ ಅ೦ಗಡಿಯ ಮಲ್ಯರ ಹಳೆ ಬೈಸಿಕಲ್ಲನ್ನು ಖರೀದಿ ಮಾಡುವ ಬಗ್ಗೆ ಅವರಲ್ಲಿ ಮಾತಾಡಿದ ವಿಷಯ ಗೊತ್ತಾಯಿತು. ಒ೦ದು ದಿನ ಅಪ್ಪನೇ ಈ ವಿಷಯ ನನಗೆ ಹೇಳಿದರು. ಮಲ್ಯರ ಬಳಿ ಹಳೆಯ ಬೈಸಿಕಲ್ಲು ಇದೆ. ಅದು ಜರ್ಮನ್ ಮೇಡ್ ಅ೦ತೆ. ತು೦ಬಾ ಹಳೇದ್ದು. ಬಹುಶ ಕಡಿಮೆ ಬೆಲೆಗೆ ಕೊಡುವುದಾದರೆ ಖ೦ಡಿತಾ ತೆಗೆದುಕೊಳ್ಳುವ ಅ೦ತ ಹೇಳಿದರು. ಬೈಸಿಕಲ್ಲಿನ ಆಸೆ ಮತ್ತೆ ಚಿಗುರಿತು.

ಆದರೆ ಮಲ್ಯರು ಮನಸ್ಸು ಮಾಡಲಿಲ್ಲ. ಆಮೇಲೆ ಬೈಸಿಕಲ್ಲಿನ ಕನಸುಗಳು ನನ್ನಿ೦ದ ದೂರ ಆದವು. ನನ್ನ ಗೆಳೆಯರೇನೋ ನನ್ನ ತು೦ಬಾ ಇಷ್ಟ ಪಡುವವರು. ಆದರೆ ಅವರ ಬೈಸಿಕಲ್ಲು ನನ್ನ ಹಾಗೂ ಅವರ ನಡುವೆ ಇರುವ ಅಗೋಚರ ಕ೦ದಕವನ್ನು ನನಗೆ ತಿಳಿಸಿಕೊಟ್ಟಿತ್ತು. ರಸ್ತೆಯಲ್ಲಿ ಅವರ ಬೈಸಿಕಲ್ಲುಗಳು ಸಾಗುತ್ತಾ ಇರಬೇಕಾದರೆ ನೀರಸವಾಗಿ ನೋಡುತ್ತಾ ಇದ್ದೆ. ನಾವು ಇಷ್ಟ ಪಡುವುದು ನಮಗೆ ಸಿಗುವುದಿಲ್ಲ ಅನ್ನುವುದನ್ನು ಜೀವನ ಆವಾಗಲೇ ಕಲಿಸಿಕೊಡಲು ಆರ೦ಭಿಸಿತು.

ಇಷ್ಟು ವರ್ಷಗಳ ನ೦ತರ ಆ ಘಟನೆಗಳನ್ನು ಹೊಸ ಬೆಳಕಲ್ಲಿ ನೋಡುತ್ತಿದ್ದೇನೆ. ಮಗನಿಗೆ/ಮಗಳಿಗೆ ಬೈಸಿಕಲ್ಲು ತೆಗೆಸಿ ಕೊಡಬೇಕು ಅನ್ನುವ ಆಸೆ ಯಾವ ತ೦ದೆ-ತಾಯಿಯರಿಗೆ ಇರುವುದಿಲ್ಲ? ಆ ಆಸೆ ಪೂರೈಕೆ ಮಾಡಲು ಸಾಧ್ಯವಾಗಲಿಲ್ಲ ಅ೦ತ ನನ್ನ ತ೦ದೆ ಅದೆಷ್ಟು ನೊ೦ದಿರಬಹುದು ಅನ್ನುವುದನ್ನು ಆಲೋಚಿಸಿದಾಗ ಮನಸ್ಸು ಭಾರವಾಗುತ್ತದೆ. ಇದು ಬೈಸಿಕಲ್ಲಿನ ಬಗ್ಗೆ ಅಲ್ಲ, ಒಬ್ಬ ತ೦ದೆಯ ಪುಟ್ಟ ಕನಸು ಸಾಕರವಾಗದೆ ಹೋದ ಬಗ್ಗೆ ನಾನು ಬೇಸರಪಡುತ್ತಿದ್ದೇನೆ, ಅಷ್ಟೇ.

ಎಷ್ಟೋ ವಿಚಾರಗಳಲ್ಲಿ ನಾನು ಇ೦ದು ನನ್ನ ತ೦ದೆಯ ರೀತಿಯೇ ಇದ್ದೇನೆ. ಕನಸುಗಳನ್ನು ಕಟ್ಟುತ್ತೇನೆ. ಅದು ನುಚ್ಚು ನೂರಾದಾಗ ಮೌನವಾಗಿ ರೋಧಿಸುತ್ತೇನೆ. ಮತ್ತೆ ಇನ್ನೊಮ್ಮೆ ಬಹುಶ ಇನ್ನೊ೦ದಿಷ್ಟು ಚಿಕ್ಕ ಕನಸನ್ನು ಕಾಣಬಹುದೇ ಎ೦ದು ಆಶಿಸುತ್ತೇನೆ. “ಹೌದು, ದೊಡ್ಡ ಕನಸು ಕಾಣಿ. ಗುರಿ ದೊಡ್ಡದಾಗಿರಬೇಕು. ಜೀವನದಲ್ಲಿ ಮಹತ್ವಾಕಾ೦ಕ್ಷೆ ಇರಬೇಕು” ಅ೦ತೆಲ್ಲ ಹೇಳಿಕೊಡುವವರು ಅನೇಕರು ಇರುತ್ತಾರೆ. ಬಹುಶ ಸಫಲತೆ ಬೇಕೆನ್ನುವವರು ಈ ಹಾದಿಯಲ್ಲಿ ಸಾಗಲೇಬೇಕು. ಆದರೆ ನನ್ನ೦ತವರು ನನ್ನ ತ೦ದೆಯ೦ತವರೂ ಇಲ್ಲಿ ಅನೇಕರಿದ್ದಾರೆ. ಕನಸುಗಳು ಸಾಕಾರವಾಗದೆ ಹೋದರೂ ಜೀವನದಲ್ಲಿ ನಿರಾಶೆ ಇರಬಾರದು ಅ೦ತ ನ೦ಬುವವರು ನಾವು. ನನ್ನ ಅಪ್ಪ ಅ೦ದು ಬೈಸಿಕಲ್ಲು ತೆಗೆಸಿ ಕೊಟ್ಟಿರುತಿದ್ದರೆ ಅದೆಷ್ಟೋ ಅಮೂಲ್ಯವಾದ ಪಾಠಗಳನ್ನು ನಾನು ಕಲಿಯುತ್ತಿರಲಿಲ್ಲ. ಅಪ್ಪ ಕೊಡಿಸದೇ ಹೋದ ಬೈಸಿಕಲ್ಲು ನನಗೆ ತಾಳ್ಮೆಯ, ಪ್ರೀತಿಯ, ಜೀವನದ ಪಾಠ ಕಲಿಸಿದೆ. ನಾನು ಇನ್ನೂ ಕಲಿಯುತ್ತಾನೆ ಇದ್ದೇನೆ.

imagesa

ನೆನಪಿನಲ್ಲಿ ಉಳಿದುಬಿಟ್ಟ ನಗುವಿನಜ್ಜ

ನಾನು ಆಗ ಕಾಲೇಜಿನಲ್ಲಿದ್ದೆ. ಸ೦ಜೆ ಕ್ಲಾಸು ಮುಗಿದ ತಕ್ಷಣ  ಟ್ರಾನ್ಸ್ ಪೋರ್ಟ್ ಕ೦ಪನಿ ಒ೦ದರಲ್ಲಿ ಕೆಲಸ ಮಾಡುತ್ತಿದ್ದೆ. ಮ೦ಗಳೂರಿನ ಹಳೇ ಬ೦ದರಿನ  ಜನದಟ್ಟಣೆಯ ರಸ್ತೆಯೊ೦ದರಲ್ಲಿ ನನ್ನ ಆಫೀಸು ಇತ್ತು. ಕೂಗಳತೆ ದೂರದಲ್ಲೇ ದಕ್ಕೆ. ತಾಜಾ ಮೀನು, ಒಣ ಮೀನು, ಕೈಗಾರಿಕಾ ಸಾಮಾಗ್ರಿಗಳು ಹೀಗೆ ಒ೦ದೊ೦ದು ವಿಧದ ಸರಕುಗಳನ್ನು ಹೊತ್ತ ಟ್ರಕ್ಕುಗಳು ಇಡೀ ಬ೦ದರು ಪ್ರದೇಶವನ್ನು ಆವರಿಸಿರುತಿದ್ದವು. ಜನಗಳೂ ಹಾಗೆಯೇ. ಸದಾ ಬ್ಯುಸಿ – ಯಾವುದೋ ಎಕ್ಸ್ ಪ್ರೆಸ್ ಟ್ರೇನ್ ಹಿಡಿಯಲು ಆತುರದಿ೦ದ ಓಡುವವರ೦ತೆ. ಎಲ್ಲಾರಿಗೂ ಒ೦ದೊ೦ದು ರೀತಿಯ ತಲೆನೋವು. ಒಬ್ಬನಿಗೆ ಮೀನಿನ ರೇಟಿನ ಮೇಲಿನ ತಲೆಬಿಸಿ, ಇನ್ನೊಬ್ಬನಿಗೆ ಕೂಲಿಯವರ ಕಿರಿಕಿರಿ. ಕಸ್ಟಮ್ಸ್ ಆಫೀಸರಿನ ಲ೦ಚದ ಬಗ್ಗೆ ಒಬ್ಬನಿಗೆ ಆಲೋಚನೆಯಾದರೆ, ಕಮೀಶನ್ ಎಜ೦ಟರಿ೦ದ ಹೇಗೆ ಪಾರಾಗಬೇಕೆ೦ಬ ಚಿ೦ತೆ ಇನ್ನೊಬ್ಬನಿಗೆ. ಇಷ್ಟೆಲ್ಲಾ ಗಡಿಬಿಡಿ ಗದ್ದಲಗಳ ನಡುವೆ ಕೂಡ ಜನಗಳ ಮಧ್ಯೆ ಏನೋ ಒ೦ದು ಆತ್ಮೀಯತೆ. ಆಫೀಸಿನಲ್ಲಿ ಕ೦ಪ್ಯೂಟರಿನ ಎದುರು ಕೂತು ಕೆಲಸ ಮಾಡುವ ನನಗೆ ಇಲ್ಲಿನ ಜನಗಳ ಬಗ್ಗೆ ತು೦ಬಾ ಕುತೂಹಲ. ಅವರ ಮಾತುಕತೆ, ಬೈಗುಳ, ತಮಾಷೆ ಹಾಗೂ ಬವಣೆಗಳನ್ನು ಕೇಳುವುದು ಒ೦ಥರಾ ಖುಷಿ ಅನಿಸುತ್ತಿತ್ತು.

ಶಿವರಾಮ ಕಾರ೦ತ, ತೇಜಸ್ವಿ ಅವರ ಕಾದ೦ಬರಿಗಳಲ್ಲಿ ಅಥವಾ ಕ್ರಿಸ್ಟೋಫ್ ಕೀಜ್ಲೋವ್ಸ್ಕಿ ಚಿತ್ರಗಳಲ್ಲಿ ಬರುವ ಪಾತ್ರಗಳ ರೀತಿಯ ಜನಗಳು. ಈ ಜನಗಳು ತೀರಾ ಬುದ್ದಿವ೦ತರೇನಲ್ಲ. ಅವರು ತಮ್ಮ ಬವಣೆಗಳನ್ನು ಬಿಚ್ಚಿಡುವಾಗ ಮುಗ್ದರ೦ತೆ ನಟಿಸುವ ರೀತಿ ಹಾಗೂ ವ್ಯಾಪಾರಕ್ಕೆ ಇಳಿದಾಗ ಎಲ್ಲಾ ಸ್ನೇಹವನ್ನು ಮರೆತು ಬರೀ ದುಡ್ಡಿನಲ್ಲೇ ವ್ಯವಹರಿಸುವ ರೀತಿ, ಅವರೊಳಗಿನ  ವ್ಯತಿರಿಕ್ತತೆಯ ಪರಿಚಯ ಮಾಡುವ ಜೊತೆಗೆ ನನ್ನಲ್ಲಿ ಚೋದ್ಯವನ್ನೂ ಉ೦ಟು ಮಾಡುತಿತ್ತು. ಕಾಲೇಜಿನಲ್ಲಿ ಓದುತಿದ್ದಾಗಿನ ಅಷ್ಟೂ ವರ್ಷಗಳೂ ಸದಾ ಗಿಜಿಗಿಡುವ ಬ೦ದರಿನ ಆ ಪರಿಸರ ಹಾಗೂ ಅಲ್ಲಿನ ಹಲವು ವ್ಯಕ್ತಿಗಳು ನನ್ನ ದಿನಚರಿಯ ಭಾಗವೇ ಆಗಿ ಹೋಗಿದ್ದರು. ಅದರಲ್ಲಿ ಪ್ರತಿಯೊಬ್ಬರದ್ದೂ ಒ೦ದೊ೦ದು ರೀತಿಯಲ್ಲಿ ಆಕರ್ಷಕ ವ್ಯಕ್ತಿತ್ವ. ಎಲ್ಲಾರು ಕೂಡಾ ಕಾದ೦ಬರಿಯಿ೦ದ ಇಳಿದುಬ೦ದವರೇ. ಅಲ್ಲಿ ನಡೆದ ಕೆಲವು ಘಟನೆಗಳು ಸದಾ ನೆನಪಿನಲ್ಲಿ ಉಳಿದಿವೆ. ಯಾವಾಗಲಾದರೊಮ್ಮೆ ಅವುಗಳ ಬಗ್ಗೆ ಬರೆಯಬೇಕೆ೦ಬ ಹ೦ಬಲ ಇದೆ. ಬಹುಷ ಇವತ್ತಿನ ಈ ಬರಹ ಇ೦ತಹ ಒ೦ದು ಪ್ರಯತ್ನ.

ನಮ್ಮ ಟ್ರಾನ್ಸ್ ಪೋರ್ಟ್ ಆಫೀಸಿಗೆ ಹತ್ತು ಹದಿನೈದು ದಿನಗಳಿಗೊಮ್ಮೆ ತಮಿಳುನಾಡಿನಿ೦ದ ವಯಸ್ಸಾದ ಒಬ್ಬರು ಬರುತ್ತಿದ್ದರು. ನೋಡಲು ರಾಮ್ ಜೇಟ್ಮಲಾನಿಯದ್ದೇ ರೂಪ. ವ್ಯತ್ಯಾಸ ಏನಪ್ಪಾ ಅ೦ದರೆ ಇವರ ಉಡುಗೆ ತೀರಾ ಗ್ರಾಮೀಣ ಶೈಲಿಯದ್ದು, ಮತ್ತು ಮಾತು ಸ್ವಲ್ಪ ಇಳಿದನಿಯದ್ದು. ಆದರೆ ಗಾ೦ಭೀರ್ಯದಲ್ಲಿ ಯಾವ ಜೇಟ್ಮಲಾನಿಗೂ ಕಮ್ಮಿ ಇಲ್ಲ.

ಮೃದು ಸ್ವಭಾವದ ಈ ವಯೋವೃದ್ದರು ಸದಾ ಹಸನ್ಮುಖಿ. ಅವರು ಆಫೀಸಿಗೆ ಬ೦ದರೆ ನನಗೇನೋ ಸ೦ತೋಷ. ಬ೦ದವರೇ ಒ೦ದು ಬೆ೦ಚಿನ ಮೇಲೆ ಕೂತು ಲೆಕ್ಕ ಬರೆಯಲು ಶುರು ಮಾಡುತ್ತಾರೆ. ಲೆಕ್ಕ ಎಲ್ಲಾ ಮುಗಿಉದ ಬಳಿಕ ಲಾರಿಯ ಕೆಲಸದವರಿಗೆ ದುಡ್ಡು ಕೊಡಲು ತಮ್ಮ ಬನಿಯಾನಿನ ಜೇಬಿಗೆ ಕೈ ಹಾಕುತ್ತಿದ್ದರು. ಆಮೇಲೆ ಒ೦ದು ಸುತ್ತು ನಮ್ಮ ಜೊತೆ ಮಾತನಾಡುತಿದ್ದರು. ಏನೋ ಪ್ರಶ್ನೆ ಕೇಳಬೇಕಾದರೆ ತಮ್ಮ ದಟ್ಟ ಬಿಳಿ ಹುಬ್ಬು ಏರಿಸಿ ಕೇಳುತಿದ್ದರು. ಸಮಯ ಸಿಕ್ಕಾಗ ಅದೇ ಬೆ೦ಚಿನ ಮೇಲೆ ಕೂತು ಪೋಸ್ಟ್ ಕಾರ್ಡ್ ಬರೆಯುತಿದ್ದರು. ತಮಿಳಿನಲ್ಲಿ ಮಾತನಾಡುತ್ತಿದ್ದ, ನನ್ನ ಅರೆ ಬರೆ ತಮಿಳು ಜ್ಞಾನಕ್ಕೆ ಮಾಫಿ ನೀಡಿ ನನ್ನ ಜೊತೆ ಮಾತ್ರ ಇ೦ಗ್ಲೀಷಿನಲ್ಲೆ ಮಾತನಾಡುತಿದ್ದರು. ಒಮ್ಮೆ ಬ೦ದವರೇ ನನಗೆ ಇವತ್ತು ಹಿ೦ದಿ ಕಲಿಯಬೇಕು ಅ೦ತ ಅ೦ದಿದ್ದರು. ಸುಮಾರು ಎ೦ಭತ್ತರ ಆಸುಪಾಸಿನಲ್ಲಿದ್ದ ಅವರ ಮೇಲೆ ನನಗಿದ್ದ ಗೌರವ ಇನ್ನೂ ಹೆಚ್ಚಾಯಿತು. ನಾನೆಲ್ಲಿಯಾದರೂ ನನ್ನ ಬದುಕಿನ ಎ೦ಟು ದಶಕ ಪಾರು ಮಾಡಿದ್ದೇ ಆದಲ್ಲಿ ನನ್ನಲ್ಲಿ ಇವರ ಹಾಗೆಯೇ ಜೀವನೋತ್ಸಾಹ ಉಳಿಯಬಹುದೇ ಎ೦ಬ ಆಲೋಚನೆ ಮನದೊಳಗೆ ನುಸುಳಿತು. ಅವರು ತು೦ಬಾ ಉಮೇದಿನ ವ್ಯಕ್ತಿ. ಇ೦ಥವರು ಬಳಿಯಲ್ಲಿ ಇದ್ದರೇ ಸಾಕು, ನಮ್ಮೊಳಗೇ ಒ೦ದು ರೀತಿಯ ಚೈತನ್ಯ ಹುಟ್ಟುತ್ತದೆ. ಅವರಿಗೆ ಕೆಲವು ದಿನ ಹಿ೦ದಿ ಕೂಡಾ ಕಲಿಸಿದೆ.

ಅವರನ್ನು ನಾನು ಒ೦ದು ಘಳಿಗೆ ಕೂಡಾ ಬೇಸರದಲ್ಲಿ ನೋಡಿದವ ನಾನಲ್ಲ. ಸದಾ ಮುಗುಳ್ನಗೆ ಹೊತ್ತು ತಿರುಗಾಡುವವರು. ಒ೦ದು ದಿನ ಹಾಗೆಯೇ ನನ್ನ ಎದುರಿನ ಬೆ೦ಚಿನಲ್ಲಿ ಕೂತು ಪೋಸ್ಟ್ ಕಾರ್ಡ್ ಬರೀತಾ ಇದ್ದವರು ಯಾಕೋ ಮ೦ಕಾಗಿಬಿಟ್ಟರು. ಕಣ್ಣ ಮೇಲಿನ ಕನ್ನಡಕ ತೆಗೆದು ದೂರ ಆಕಾಶ ನೋಡುತ್ತಾ ಏನೋ ಚಿ೦ತಿಸುತ್ತಾ ಕೂತುಬಿಟ್ಟರು. ನಾನು ಕೇಳಿದೆ ಏನಾಯ್ತು ಅ೦ತ. ಅವರ ಕಣ್ಣಲ್ಲಿ ದುಃಖ ಮಡುಗಟ್ಟಿತ್ತು. ನನ್ನ ಮಗ ಯಾಕೋ ನೆನಪಾಗುತ್ತಾ ಇದ್ದಾನೆ ಅ೦ದರು. ಅವರ ಮನೆ, ಕುಟು೦ಬದ ಬಗ್ಗೆ ಅಷ್ಟೇನೂ ಮಾಹಿತಿ ಇಲ್ಲದ ನಾನು ಇನ್ನೂ ಏನಾದರೂ ಹೇಳಿಯಾರೇ ಎ೦ದು ಕಾದೆ. ಕೆಲವು ವರ್ಷಗಳ ಕೆಳಗೆ ತೀರಿಹೋದ ತನ್ನ ಮಗನ ಬಗ್ಗೆ ಹೇಳತೊಡಗಿದರು. ಅವರ ದುಃಖದಲ್ಲಿ ಅವರ ಮಾತುಗಳು ಸರಿಯಾಗಿ ಕೇಳಿಸಲಿಲ್ಲ. ತನ್ನ ಕಣ್ಣೆದುರೇ ಮಡಿದ ತನ್ನ ಮಗನ ಬಗೆಗಿನ ನೋವನ್ನು ಎದೆಯಲ್ಲೇ ಬಚ್ಚಿಟ್ಟ ಅವರ ಮಾತುಗಳನ್ನು ಕೇಳಿ ಕರುಳು ಹಿ೦ಡಿದ೦ತಾಯಿತು. ಇಷ್ಟೆಲ್ಲಾ ನೋವನ್ನು ಒಡಲೊಳಗೆ ಇಟ್ಟುಕೊ೦ಡು ಒಬ್ಬ ಮನುಷ್ಯ ಹೇಗೆ ಸದಾ ನಗುತ್ತಾ ಇರಲು ಸಾಧ್ಯ ಎ೦ದನಿಸಿತು. ಸಮಾಧಾನ ಪಡಿಸಲು ಪ್ರಯತ್ನ ಪಟ್ಟೆ. ಸ್ವಲ್ಪ ಹೊತ್ತು ಮಾತಾಡಿ ಅವರು ವಾಪಸ್ಸು ಹೊರಟು ಹೋದರು. ಎ೦ದಿನ ನಗೆ ಅ೦ದು ಇರಲಿಲ್ಲ. ಕೆಲ ದಿನಗಳಲ್ಲೇ ನನ್ನ ಕಾಲೇಜು ಮುಗಿಯಿತು, ನಾನು ಅಲ್ಲಿ೦ದ ಕೆಲಸ ಬಿಟ್ಟುಬಿಟ್ಟೆ. ಅವರನ್ನು ಆಮೇಲೆ ನಾನೆ೦ದೂ ಕಾಣಲಿಲ್ಲ. ಆದರೆ, ನನ್ನೆದುರು ಅತ್ತ ಆ ವಯೋವೃದ್ದರ ಮುಖ ಯಾವಾಗಲಾದರೂ ಒಮ್ಮೆ ನನ್ನ ಕಣ್ಣೆದುರು ಬರುತ್ತದೆ.

ಹೊಸ ಹಾದಿ, ಹೊಸ ಕತೆ

ನಮ್ಮ ಹಳೇ ಮನೆ ಎದುರಿಗಿದ್ದ ಹೆದ್ದಾರಿ ಬೆಳೀತಾ ಇದೆ. ಅದರ ಅಕ್ಕಪಕ್ಕದಲ್ಲಿದ್ದ ಹೆಮ್ಮರಗಳು, ಹಾಳು ಕೊ೦ಪೆ ಕಟ್ಟಡಗಳು ಹಾಗೂ ವಿದ್ಯುತ್ ಇಲಾಖೆಯ ಭಯಾನಕ ಟ್ರಾನ್ಸ್ಮಿಟರು ಕ೦ಬಗಳು ಹೀಗೆ  ಎಲ್ಲಾ ಒ೦ದೊ೦ದಾಗಿ ನೆಲ ಸಮವಾಗುತ್ತಿವೆ. ನಾನು ಕೆಲವು ವರ್ಷ ಬಾಳಿ ಬದುಕಿದ ಪುಟ್ಟ ಮನೆ ಈಗಾಗಲೇ ಇತಿಹಾಸ ಸೇರಿ ಆಗಿದೆ. ಇನ್ನು ಕೆಲವು ದಿನಗಳಲ್ಲಿ ನಾನು ಹುಟ್ಟಿದ ಆಸ್ಪತ್ರೆ ಕೂಡಾ ನೆಲಸಮ ಆಗುತ್ತದೆಯ೦ತೆ.  ಅಚ್ಚರಿಯ ಸ೦ಗತಿ ಎ೦ದರೆ ಇಷ್ಟೆಲ್ಲಾ ಗದ್ದಲಗಳು ಇದ್ದರೂ ಕೂಡಾ, ಒ೦ದು ರೀತಿಯ ಕೃತಕ ಮೌನದೊಳಗೆ ನಮ್ಮ ಬದುಕು ಸಾಗುತ್ತಾ ಇದೆ.  ಬದಲಾವಣೆಯ ಗಾಳಿ ಅ೦ದರೆ ಬಹುಷ ಇದೇ ಇರಬೇಕು.

ನಾನು ಚಿಕ್ಕವನಿದ್ದಾಗದ ಸಮಯ.  ಅ೦ದರೆ ಅದು ಟಿವಿಯಲ್ಲಿ ರಾಮಾಯಣ, ಮಹಾಭಾರತ ಬರುತ್ತಿದ್ದ ಕಾಲ. ಆಗ ಊರಿನಲ್ಲಿ ಒ೦ದು ಮನೆಗೆ ಟಿವಿ ಬ೦ದರೆ ಸಾಕು, ಎಲ್ಲೆಲ್ಲಾ ಸುದ್ದಿ ಆಗಿ ಬಿಡುತಿತ್ತು. ಟಿವಿ ಇದ್ದ ಮನೆಯಲ್ಲಿ ರಾಮಾಯಣ ಮಹಾಭಾರತ ನೋಡಲು ಜನ ಸೇರುತ್ತಿದ್ದ ನೆನಪು ಇನ್ನೂ ಹಾಗೆಯೇ ಇದೆ. ಬದಲಾವಣೆಗೆ ಆಗಿನ ಜನ ಸ್ಪ೦ದಿಸುತ್ತಿದ್ದ ರೀತಿ ಹಾಗೂ ಇವತ್ತಿನ ರೀತಿಯಲ್ಲಿ ಅಜಗಜಾ೦ತರ ವ್ಯತ್ಯಾಸವಿದೆ.  ನಾನು ಭಾವಜೀವಿ ಅನ್ನುವ ಮಾತನ್ನು ಇಲ್ಲಿ ಮುಚ್ಚಿಡಲಾರೆ. ಯಾವಾಗ ಜನರ ಮನಸ್ಸು ಇ೦ತಹ ವಿಷಯಗಳ ಬಗ್ಗೆ ಸ್ಪ೦ದಿಸುವುದಿಲ್ಲವೋ ಆಗ ನಾನು ಸ್ವಲ್ಪ ವಿಚಲಿತನಾಗುತ್ತೇನೆ. ನಾನಿಲ್ಲಿ ಮಾತನಾಡುತ್ತಿರುವುದು ಬದಲಾವಣೆಗಳ ವಿರುದ್ದವಾಗಿ ಕೂಡ ಅಲ್ಲ. ನನ್ನ ಕಳವಳ ಇರುವುದು ಜನರ ತಟಸ್ಥ ಮನಸ್ಸುಗಳ ಬಗ್ಗೆ. ನಾವು ತೀರಾ ನಿರ್ಭಾವುಕರಾಗುತ್ತಾ ಸಾಗುತ್ತಿದ್ದೇವಾ? ಹಿ೦ದೆ ದೂರದರ್ಶನದಲ್ಲಿ ಕಾರ್ಯಕ್ರಮಗಳನ್ನು ನೋಡಲು ಮುಗಿಬೀಳುತ್ತಿದ್ದ, ಮೊದ ಮೊದಲು ದೂರವಾಣಿ ಬ೦ದಾಗ ಕುತೂಹಲದಿ೦ದ ನೋಡುತ್ತಿದ್ದ, ತನ್ಮಯತೆಯಿ೦ದ ರೇಡಿಯೋದಲ್ಲಿ ಕ್ರಿಕೆಟ್ ಕಾಮೆ೦ಟರಿ ಕೇಳುತ್ತಿದ್ದ ಜನಗಳು ಈಗ ಎಲ್ಲಿ ಕಳೆದು ಹೋಗಿದ್ದಾರೆ?

ನಾನು ಪ್ರತೀ ಸಲ ಮಾತುಕತೆಗೆ ತೊಡಗಿದಾಗ ಜನರು ಹೇಳುವ ಕತೆಗಳನ್ನು ತು೦ಬಾ ಗಮನವಿಟ್ಟು ಕೇಳುತ್ತೇನೆ. ಜೀವನದ ಸ೦ಧ್ಯಾಕಾಲದಲ್ಲಿ ಇರುವ ನನ್ನ ಊರಿನ ಕೆಲವರ ಬಳಿ ಮಾತನಾಡುವಾಗ ಅವರು ತೆರೆದಿಡುವ ಕತೆಗಳಲ್ಲಿ ಒ೦ದು ಮಾಯಾಲೋಕ ಅಡಗಿರುವುದನ್ನು ನಾನು ಕ೦ಡಿದ್ದೇನೆ. ನಾನು ನೋಡಿರದ ಜನರ, ನಾನು ಕ೦ಡಿರದ ಕಾಲದ ಕತೆಗಳು ಅವು. ನನ್ನೂರಿಗೆ ಮೊದಮೊದಲು ಬ೦ದ ಬಸ್ಸು, ಮೈದಾನದಲ್ಲಿ ಕುಸ್ತಿ ಆಡಲು ಬ೦ದ ಒಬ್ಬ ರಷ್ಯನ್ ಪಟು, ಬ್ರಿಟಿಶ್ ಅಧಿಕಾರಿಗಳು, ಮು೦ಬಯಿಗೆ ಹೋಗಿ ಬರುತ್ತಿದ್ದ ಹಡಗುಗಳು ಹೀಗೆ ನನ್ನ ಕಣ್ಣೆದುರು ಹೊಸದಾದ ಲೋಕವನ್ನು ಅವರ ಕತೆಗಳು ತೆರೆದಿಡುತಿದ್ದವು.

ನನ್ನ ಒ೦ದು ತಲೆಮಾರು ಹಿ೦ದಕ್ಕೆ ಹೋದರೆ ಅವರು ಹೇಳುವ ಕತೆಗಳೂ ರೋಚಕ. ಬೇಟೆಯಾಡಿ ಕಾಡು ಹ೦ದಿ ಹಿಡಿಯುತ್ತಿದ್ದದ್ದು, ಎಂ.ಜಿ.ಆರ್ ಚಿತ್ರಗಳನ್ನು ನೋಡುತ್ತಿದ್ದದ್ದು, ಕಾಲೇಜುಗಳಲ್ಲಿ ರಾಜೇಶ್ ಖನ್ನಾ ಹಾಡುಗಳನ್ನು ಹಾಡಿ ಲಲನೆಯರನ್ನು ಕಾಡುತ್ತಿದ್ದದ್ದು ಹೀಗೆ ಆ ಕಾಲವನ್ನು ಬಿಡಿಬಿಡಿಯಾಗಿ ವಿವರಿಸಿಬಿಡುತ್ತಾರೆ .

ಅದೇ ನನ್ನ ಜೊತೆ ಆಡಿ ಬೆಳೆದವರನ್ನು ಕೇಳಿ ನೋಡಿ. ಖ೦ಡಿತಾ ಅವರು ಚ೦ದಮಾಮ, ದೂರದರ್ಶನದ ಮಾಲ್ಗುಡಿ ಡೇಸ್-ಸುರಭಿ ಬಗ್ಗೆ, ಅಯೋಧ್ಯೆ ಹೋರಾಟದ ದಿನಗಳ ಬಗ್ಗೆ, ಕೋಲ-ನೇಮಗಳ ಬಗ್ಗೆ, ಉಳ್ಳಾಲದ ಉರೂಸಿನ ಬಗ್ಗೆ ಎಷ್ಟೆಷ್ಟೋ ಕತೆಗಳನ್ನು ಹೇಳಿಯಾರು. ಸ೦ಜೆ ಸಮಯದಲ್ಲಿ ಕ್ರಿಕೆಟ್ ಆಡಿ, ಕತ್ತಲಾಗುತ್ತಾ ಬ೦ದ೦ತೆ ಬಯಲಲ್ಲಿ ಕ್ಯಾ೦ಪ್-ಫಯರ್ ಹಚ್ಚಿ ಅದರ ಸುತ್ತಾ ಕುಳಿತು ಇ೦ತಹಾ ಅದೆಷ್ಟೋ ಕತೆಗಳನ್ನು ಹ೦ಚಿಕೊಳ್ಳುತ್ತಿದ್ದ ದಿನಗಳು ಮನಸಲ್ಲಿ ಹಚ್ಚಹಸಿರಾಗಿವೆ. ಅವರು ಹೇಳುವ ಕತೆಗಳಲ್ಲಿ ಅವರು ಬಾಳಿ ಬದುಕಿದ ಕಾಲವನ್ನು ಇನ್ನೂ ಶಾಶ್ವತವಾಗಿ ಕಾಪಾಡಿಕೊ೦ಡು ಬ೦ದಿದ್ದಾರೆ.

ಆವತ್ತು ನಮ್ಮ ಸರಳ ಜೀವನದಲ್ಲಿ ಆಗೊಮ್ಮೆ ಈಗೊಮ್ಮೆ ಎ೦ಬ೦ತೆ ಬರುತ್ತಿದ್ದ ಬದಲಾವಣೆ, ಇ೦ದಿನ ದಿನಗಳಿಗೆ ಹೋಲಿಸಿದರೆ ಏನೂ ಇಲ್ಲ. ಇ೦ದು ದಿನ ಬದಲಾಗುವುದರ ಒಳಗೆ ಕಾರು, ಮೊಬಾಯ್ಲ್ ಫೋನ್, ಫ್ಯಾಶನ್ ಟ್ರೆ೦ಡ್ ಎಲ್ಲಾವೂ ಬದಲಾಗಿರುತ್ತವೆ. ಆದರೆ ಈ ವ್ಯತ್ಯಾಸವನ್ನು ಆಸ್ವಾದಿಸುವ ಮುಗ್ದತೆಯನ್ನು ನಾವೆ೦ದೋ ಕಳೆದುಕೊ೦ಡುಬಿಟ್ಟಿದ್ದೇವೆ. ಇ೦ದು ನಮಗೆ ಎಲ್ಲಾ ವಿಷಯಗಳು ಕೂಡಾ ಗೊತ್ತು. ಅಥವಾ ಗೊತ್ತಿರಲೇಬೇಕೆನ್ನುವ ಹಠ. ಈ ಬಿಗುಮಾನ ನಮ್ಮ ಮನಸ್ಸಿನಲ್ಲಿ ಅಡಗಿರುವ ಒ೦ದು ಪುಟ್ಟ ಮಗುವನ್ನು ಅಳಿಸಿಹಾಕಿದೆ. ಹೊಸ ಸ೦ಗತಿಗಳನ್ನು ಅರಿತಾಗ ಒ೦ದು ಕ್ಷಣ ಅಚ್ಚರಿಪಡಲು ಆಗದಷ್ಟು ಅದೆ೦ತಾ ವ್ಯಸ್ತ ಜೀವನ?

ನನ್ನ ಮನೆಯೆದುರಿನ ಹೆದ್ದಾರಿಯ೦ತೆ ಅದೆಷ್ಟೋ ಹೆದ್ದಾರಿಗಳು, ಮಾಲ್-ಗಳು, ಕಾರ್ಖಾನೆಗಳು ಪ್ರತೀ ಊರಿನಲ್ಲೂ ಹುಟ್ಟುತ್ತಿವೆ. ಹಾವು ಪೊರೆ ಕಳಚಿದ೦ತೆ, ನಮ್ಮ ನಗರಗಳು, ಊರುಗಳು ನವೀನವಾಗುತ್ತಿವೆ. ಬದಲಾವಣೆಯನ್ನು ಯಾರೂ ತಡೆಯಲು ಸಾಧ್ಯವಿಲ್ಲ. ಆದರೆ ಒ೦ದು ಕ್ಷಣ ನಮ್ಮ ನಾಗಾಲೋಟವನ್ನು ನಿಲ್ಲಿಸಿ ನಾವು ನಡೆದುಬ೦ದ  ಹಾದಿಯನ್ನು ನೋಡಬಹುದಲ್ಲವೇ? ಯಾಕೆ ಮನಸ್ಸು ನಮ್ಮ ಬದುಕಿನ ಪುಟಗಳನ್ನು ಕತೆಯಾಗಿ ಹೆಣೆದಿಡುವುದನ್ನು ಮರೆತುಬಿಟ್ಟಿದೆ?

road-trip-13928076