ಕೆಲವು ಹಾಯ್ಕುಗಳು

ಹಾಯ್ಕುಗಳಿಗೆ ಅದರದ್ದೇ ಆದ ಸೌಂದರ್ಯವಿದೆ. ಸುಪ್ತವಾದ ಪ್ರತಿಮೆಗಳು ಇವುಗಳಲ್ಲಿ ಅಡಗಿವೆ. ಹಾಯ್ಕುಗಳ ಭಾಷೆಯನ್ನು ಅರಿಯಲು ನಾನು ಈ ಹಾಯ್ಕುಗಳು ಬರೆದೆ. ಇನ್ನೂ ಬರೆಯಬೇಕು. ಯಾವಾಗ? ಗೊತ್ತಿಲ್ಲ.

(1)

ಮುರಿದ ಸೂಜಿಯೊಂದು

ಮೌನ ರಾಗ ಹಾಡಿತು

ಹಳೆಯ ಗ್ರಾಮೊಫೋನಿನಲ್ಲಿ

(2)

ಗೋಡೆಗಳಿಲ್ಲದ ಕೋಣೆಗೆ

ಭಧ್ರ ಬೀಗ,

ದೋಚುವ ಭಯವಿಲ್ಲ

(3)

ಎವರೆಸ್ಟ್ ಏರಬೇಕು –

ಬಾವುಟ ನೆಟ್ಟು

ಮೇಲಿನಿಂದ ಕೆಳಗೆ

(4)

ನಾ ಬರೆದ ಕವಿತೆ

ನೀರಲ್ಲಿ ತೇಲಿದೆ

ಕಾಗದದ ದೋಣಿ ಮೇಲೆ

(5)

ಮೈಸೂರ ಮಹಲಿನ ಹೊರಗೆ

ನನ್ನ ಅರಮನೆ

ಬೆಳದಿಂಗಳ ಜೋಪಡಿ

(6)

ಬಿರುಗಾಳಿ ನಡುವೆ ಕಾಫಿಶಾಪ್

ಕೈಯ್ಯಲ್ಲೊಂದು ಕಪ್ ಕಾಫಿ

ಕಾಫಿಯೊಳಗೊಂದು ಬಿರುಗಾಳಿ